ဝမ်းချုပ်လို့ စိတ်မညစ်နဲ့

ဝမ်းချုပ်လို့ စိတ်မညစ်နဲ့

ဝမ်းတစ်လုံးကောင်းရင် ခေါင်းမခဲဆိုတဲ့ စကားအတိုင်း၊ နိစ္စဓူဝ ပါးစပ်မှ သွင်းလာသော အစာသစ်များကို ခန္ဓာကိုယ်က အာဟာရအဖြစ် စုပ်ယူပြီးနောက် မလိုလားအပ်သော အစာဟောင်းများကို မစင်အဖြစ် အနည်းဆုံး တစ်နေ့တစ်ကြိမ် စွန့်ထုတ်ပေးမှသာ ကျန်းမာရေးနဲ့ ညီညွတ်စေမှာပါ။ တချို့သူများက နှစ်ရက်တစ်ခါသာ ဝမ်းသွားလေ့ရှိပြီး ထို့ထက်ပို၍ ဝမ်းမသွားခြင်းကိုတော့ ဝမ်းချုပ်တယ်လို့ ခေါ်ပါတယ်။ စားသောက်မှု စနစ်မကျခြင်း၊ အိပ်ချိန် မမှန်ခြင်း၊ အထိုင်များ၍ ကိုယ်လက်လှုပ်ရှားမှု နည်းခြင်း၊ ရေသောက်နည်းခြင်း စသည်တို့ကြောင့် အရွယ်သုံးပါးမရွေး ဝမ်းချုပ်နေကြပါတယ်။ ဝမ်းသွားချင်စိတ် ရှိတာကို လျစ်လျူရှုမထားဘဲ အချိန်ပေး၍ အိမ်သာတက်တဲ့ အကျင့်ကို မွေးမြူရပါမယ်။ ဝမ်းချုပ်တာ ကြာလာတာနဲ့အမျှ စမြင်းခံလာပြီး အတင်းအားစိုက်၍ ညှစ်ထုတ်ရခြင်းကြောင့် လိပ်ခေါင်းရောဂါ၊ စအိုကွဲခြင်း စတဲ့ နောက်ဆက်တွဲ ဝေဒနာတွေ ဖြစ်စေပါတယ်။ ဒါတွေကြောင့်လည်း ဝမ်းချုပ်စေနိုင် (၁) မူးယစ်ဆေးဝါး သုံးစွဲသူများ၊ aspirin နှင့် ibuprofen စတဲ့ အကိုက်အခဲပျောက် ဆေးဝါးများ၊ ကယ်လ်စီယမ်နဲ့ သံဓာတ်အားဆေးများက ဝမ်းချုပ်စေပါတယ်။ (၂) ဝမ်းသွားခြင်းအတွက် ဝမ်းပိတ်ဆေးများစွာ သောက်သုံးခြင်းကြောင့်လည်း ခေတ္တ ဝမ်းချုပ်သွားစေပါတယ်။ (၃) နွားနို့က ဝမ်းမချုပ်စေပါဘူး။ သို့သော် နွားနို့ကို ပြန်လည် ပြုပြင်ထားသော ချိစ်၊ ဒိန်ခဲ စတဲ့ နို့ထွက်ပစ္စည်းများနဲ့ အဆီဓာတ်များသော အသားတို့က အစာမကြေ ဝမ်းချုပ်ခြင်းကို ဖြစ်စေပါတယ်။ (၄) ရင်ပူခြင်းကို ပျောက်စေတဲ့ Antacids ဆေးဝါးများ၊ သွေးကျဆေးများ၊ Antihistamines ဓာတ်ပါသော ယားနာ ပျောက်ဆေးများ၊ စိတ်ကျဝေဒနာသည်များနဲ့ စိတ်ကျခြင်းကို ကုသပေးတဲ့ Antidepressant ဆေးဝါးများက ဝမ်းချုပ်စေလို့ အမျှင်ဓာတ်များသော အစားအစာများစားရင် ရေများများ သောက်ပေးပါ။ (၅) Crohn's disease (ခေါ်) အစာခြေလမ်းကြောင်း နာတာရှည်ရောဂါများနဲ့ ulcerative colitis (ခေါ်) အူမကြီး အမြှေးရောင်ရမ်းခြင်းကြောင့် ဝမ်းချုပ်စေပါတယ်။ (၆) အမျိုးသမီးများ ရာသီလာစဉ် ကာလများ၊ ကိုယ်ဝန်ဆောင်ချိန်များနဲ့ ကလေးမီးဖွားပြီးစ အချိန်များမှာ ဝမ်းချုပ်လေ့ ရှိပါတယ်။ (၇) ဆီးချိုရောဂါက အာရုံကြောများကို ပျက်စီးသွားပြီး အစာကို ကောင်းစွာ မချေဖျက်နိုင်တော့ဘဲ ဝမ်းချုပ်လာစေပါတယ်။ (၈) လည်ပင်း အကျိတ်ဂလင်း ရောဂါတစ်မျိုးဖြစ်တဲ့ Hypothyroid က ခန္ဓာကိုယ်ရဲ့ ဇီဝကမ္မဖြစ်စဉ်ကို နှေးကွေးစေကာ ဝမ်းချုပ်ခြင်းကို ဖြစ်စေပါတယ်။ (၉) ချောကလက် လျှော့စားပါ။ ၂၀၀၅ ခုနှစ်တွင် အမေရိကန်နိုင်ငံ ဆေးသုတေသီများက နာတာရှည် ဝမ်းချုပ်သူများကို လေ့လာ ဆန်းစစ်တဲ့အခါ ချောကလက် စားသုံးမှုများသူတွေမှာ ပိုမိုဝမ်းချုပ်စေကြောင်း လေ့လာ တွေ့ရှိခဲ့ပါတယ်။ (၁၀) အသင့်စား အစားသောက်များ၊ အကြော်အလှော်များက ဝမ်းချုပ်စေပါတယ်။ (၁၁) ကော်ဖီနဲ့ လက်ဖက်ရည် ဖြတ်ပါ။ (၁၂) ဆေးလိပ်နဲ့ အရက်များ မသောက်ပါနဲ့။ ဒီလို သက်သာအောင် လုပ်လို့ရ (၁) နံနက်အိပ်ရာထ သောက်ရေ သုံးခွက် ဆက်တိုက် သောက်ပေးခြင်းက အူတွေကို အလုပ်လုပ်စေလို့ ဝမ်းသွားစေပါတယ်။ (နေ့စဉ် ရေရှစ်ခွက်မှ ၁၀-ခွက်အထိ သောက်တဲ့အကျင့်ကို မွေးမြူပါ) (၂) သံပရာသီးကလည်း ဝမ်းချုပ်ခြင်းမှ သက်သာစေလို့ နံနက်အိပ်ရာထ အစာမစားခင်မှာ ရေနွေး တစ်ဖန်ခွက်ထဲကို သံပရာသီးတစ်လုံး ညှစ်ပြီး၊ ပျားရည် လက်ဖက်ရည်ဇွန်း တစ်ဇွန်းနဲ့ ဆားအနည်းငယ် ဖျော်၍ သောက်ပါ။ (၃) ပဲသီး၊ ဟင်းနုနယ် စတဲ့ အစိမ်းရောင် ဟင်းသီးဟင်းရွက်များနဲ့ လိမ္မော်သီး၊ သစ်တော်သီးကဲ့သို့ အရည်ရွှမ်းပြီး အမျှင်များတဲ့ သစ်သီးများ စားပါ။ (၄) အမျှင်ဓာတ် ပေါများသော ဂုန်လျှော်စေ့က အစာကြေစေပြီး ဝမ်းချုပ်ခြင်းကို သက်သာ ပျောက်ကင်းစေပါတယ်။ (၅) နွားနို့ပူပူ သောက်ခြင်းက အူမကြီးကို ကောင်းစွာ လှုံ့ဆော်ပေးတာကြောင့် ဝမ်းမချုပ်စေတော့ပါဘူး (သို့မဟုတ်) ညအိပ်ရာဝင်ခါနီး နွားနို့ပူပူထဲမှာ ထောပတ်ကို လက်ဖက်ရည်ဇွန်းတစ်ဇွန်း ပမာဏ ခပ်၍ သောက်ခြင်းဖြင့် နံနက်ပိုင်း ရှောရှောရှုရ ဝမ်းသက်စေပါတယ်။ (၆) နံနက်စောစော ၁၅-မိနစ်ခန့် လမ်းသွက်သွက် လျှောက်ခြင်းက အူများကို လှုပ်ရှားကာ ဝမ်းသွားစေပါတယ်။ (၇) သဖန်းသီး၊ ပဲကတ္တီပါ၊ မြေပဲ၊ စွန်ပလွန်သီး၊ ပဲပင်ပေါက် စားပေးပါ။ (၈) မာလကာသီး (အူနီ) အမှည့်ကလည်း ဝမ်းချုပ်ခြင်းကို သက်သာစေပါတယ်။ (၈) ကြံရည်၊ ခရမ်းချဉ်သီးနဲ့ beet root (ခေါ်) သကြား မုန်လာဥ (ခေါ်) သွေးရောင်ကဲ့သို့ မုန်လာဥနီ အလုံးတို့ကလည်း ဝမ်းသက်စေလို့ စားပေးပါ။ (၉) နံနက်တိုင်း သင်္ဘောသီးမှည့်မှည့် စားပါ။ (၁၀) ပန်းသီးကလည်း ဝမ်းချုပ်ခြင်းကို ကောင်းကျိုးပြုတဲ့ အတွက် တစ်နေ့နှစ်လုံး မှန်မှန် စားသင့်ပါတယ်။ (၁၁) အရွက်မှာ အမွေးလေးတွေပါတဲ့ ကုလားမြင်းခွာရွက်ပင်၏ အပွင့်ကို သကြားနဲ့ ကြိတ်၍စားပါ။ (၁၂) ကြက်ဟင်းခါးသီးကို သောက်ရေ၊ ဆားတို့နဲ့ စိမ်ပြီး သောက်ပါ။ (၁၃) ကြက်ဟင်းခါးသီးကို ရေနံဆီဖြင့် စိမ်၍ ဝမ်းဗိုက်ကို လိမ်းပေးပါ။ (၁၄) ကြိတ်မှန်ရွက် ၂၅-ကျပ်သားကို ထန်းလျက် ၁၀-ကျပ်သား၊ အရည်ညှစ်ပြီးသော ရှောက်သီးဖတ် ၁၀- ကျပ်သား၊ ပါးပါးလှီးထားတဲ့ ကြက်သွန်နီ ၁၀-ကျပ်သား၊ စမုံမျိုးငါးပါးကို အမှုန့်နှစ်ပဲ၊ စားဆီတို့ဖြင့် ရောချက်ထားသော ကြိတ်မှန်ရွက်ယိုကို လက်ဖက်ရည်ဇွန်း တစ်ဇွန်းခန့် တစ်နေ့သုံးကြိမ် စားပေးပါ။